“Мэрит” зарчмыг төрийн албанд баримтална

УИХ-ын өнгөрсөн оны 11 дүгээр сард шинэчлэн баталсан “Авлигатай тэмцэх үндэсний хөтөлбөр” төрийн албыг олон нийтэд нээлттэй ил тод болгоход чиглэжээ. Түүнчлэн авсан, өгсөн этгээдийн мэдээллийг ил болгосон иргэнээ хамгаалах эрхзүйн орчныг бүрдүүлэхээс эхлээд олон жил яригдаж байгаа “Мэрит” зарчмыг төрийн албанд баримтлахаар болж байна гэж Төрийн албаны зөвлөлийн дарга Цогоо хэллээ.

Засгийн газрын 2020 он хүртэлх үйл ажиллагааны хөтөлбөрт авлига, албан тушаалын хэрэгт оногдуулах яг шийтгэлийг чангатгах, авлигын хэргээр ял шийтгүүлсэн эдгээдийг дахин төрийн албанд томилохгүй байх эрхзүйн орчин бүрдүүлэхээр тусгасан байдаг юм.