Мессеж бичиж, дуудлага хийж болох ухаалаг цагийг танилцуулав

“Apple” компани өнгөрөгч даваа гарагт өөрсдийн бүтээсэн ухаалаг цагаа танилцуулсан юм. Энэхүү цагны захиалгыг ирэх сарын 10-24-нийг хүртэл авах бөгөөд дэлхийн есөн улсад нийлүүлэхээр болсон талаар албаныхан мэдээлж байна. Сан Франциско хотод болсон хэвлэлийн хурлын үеэр тус компанийн гүйцэтгэх захирал Тим Күүк “Шинэ ухаалаг цаг нь манай компанийн хамгийн шилдэг бүтээл юм” гэж ярьжээ. Энэхүү цагны тухайд олон янзын нүүр зурагтай бөгөөд мессеж бичиж, дуудлага хийх боломжтой юм. Түүгээр ч зогсохгүй эрүүл мэндээ оношлох боломжтой аж.