Монгол Улсад Нисэх хүчин үүсч хөгжсөний 90 жилийн ойд зориулсан үзэсгэлэнд оролцлоо

Монгол Улсад Нисэх хүчин үүсч хөгжсөний 90 жилийн ойд зориулсан үзэсгэлэнд өнөөдөр УИХ-ын гишүүн Л.Болд, Ц.Оюунгэрэл нар оролцлоо. Үзэсгэлэнд Монгол Улсын Нисэх хүчний салбарт ажиллаж байсан үе үеийн боловсон хүчнүүдийн түүхийг өгүүлэх гэрэл зураг, түүхэн баримт бүхий үзмэрүүд тавигджээ. УИХ-ын гишүүд үзэсгэлэнг нээж хэлсэн үгэндээ Монгол Улс нь далайд гарцгүй орны хувьд нисэх хүчний салбар нь улс орны тусгаар тогтнол, гадаад харилцаанд чухал нөлөөтэй салбар бөгөөд жил бүр улсын төсөвт гадаадын нисэх онгоцуудыг Монгол орны агаарын орон зайд аюулгүй,тайван зорчих нөхцөл бий болгосноороо ихээхэн ашиг орлого оруулдаг. Түүнчлэн Хан-Уул дүүргийн хувьд том ажил олгогч байгууллага юм гэдгийг дурдлаа.