Монголбанк 10.4 сая ам.доллар худалдлаа

Өнөөдөр Монголбанк гадаад валютын дуудлага худалдаагаар банкууд ам.доллар, юань худалдан авах санал ирүүлсэн байна. Иймд 1779.50 төгрөгийн хаалтын ханшаар 10.4 сая ам.доллар, 33 сая юанийг 286 төгрөгийн хаалтын ханшаар тус тус худалджээ.

Мөн өдрийн ээлжит гадаад валютын своп, форвард хэлцлээр банкууд 48.0 сая ам.доллар худалдан авах төгрөгийн своп хэлцэл, 20 сая юанийн своп хэлцлийн санал тус тус ирүүлжээ. Монголбанк саналыг 100 хувь биелүүлэн, гадаад валютын дотоодын захад ам.доллар, юань нийлүүлэв.