Монголын хамгийн олон салаа мод

Хөвсгөл аймгийн Цагаан-Үүр сумын 3 дугаар багийн нутаг дэвсгэр “Баян голын дөрөлж” гэх газарт ургадаг 100 салаа мод 25 метр орчим өндөртэй8 100-110 орчим жилийн настай.

Сумын төвөөс 5 орчим километрийн зайд байдаг. Уг мод нь ганцхан үндэснээс салаалан ургасан маш олон мөчиртэй бөгөөд нийтдээ 100 салаа гэнэ.

Нэг үндэснээс зуу салаалсан тус модонд нутгийн иргэд аминчлан хүслээ шивнэдэг. Монголчууд бид эртнээс сонин чамин тогтоцтой уул, хад, ургамал, модыг хүндлэн шүтсээр ирсэн заншилтай гэж Экологийн цагдаагийн албанаас мэдээллээ.