Монголын Олон суваг дамжуулагчдын Холбоо ТББ-тай хамтран ажиллах харилцан ойлголцлын санамж бичигт гарын үсэг зурлаа

Шударга өрсөлдөөн, хэрэглэгчийн төлөө газар, Монголын Олон суваг дамжуулагчдын Холбоо ТББ-тай хамтран ажиллах харилцан ойлголцлын санамж бичигт ШӨХТГ-ын дарга С.Мөнхчулуун, МОСДХ-ын удирдах зөвлөлийн дарга Ц.Пүрэвням нар өнөөдөр гарын үсэг зурлаа.Харилцан ойлголцлын санамж бичгийн хүрээнд шударга өрсөлдөөний орчныг бэхжүүлэх, бизнес эрхлэгчид болон хэрэглэгчдийн эрх ашгийг хамгаалах, хэрэглэгчийн боловсролыг дээшлүүлэхэд чиглэсэн соён гэгээрүүлэх ажлыг хамтран зохион байгуулах, улмаар хэрэглэгчийн хууль эрх зүйн боловсролыг дээшлүүлэх, соён гэгээрүүлэхэд чиглэсэн мэдээ, мэдээлэл, сурталчилгааны контентыг олон суваг дамжуулагчдын сүлжээгээр олон нийтэд үнэ төлбөргүйгээр хүргэж ажиллах юм.Мөн олон суваг дамжуулагчдын үйл ажиллагаанд хэрэглэгчдийн эрхийг хамгаалах, шударга өрсөлдөөнийг хангах чиглэлд хамтран ажиллах, хэрэглэгчид операторуудын санал болгосон багцаас сонгож үйлчлүүлэх биш өөрөө багцаа зохиож, үйлчилгээ авах боломжийг бий болгох асуудлаар хамтарч ажиллахаар тохиролцлоо.Эх сурвалж: ШӨХТГ