Москва хорооллын урд талын авто замын хойд талын зорчих хэсгийг хаалаа

Сонгинохайрхан дүүргийн 29-р хороо, Энхтайваны өргөн чөлөө, Москва хорооллын урд талын авто замын хойд талын зорчих хэсгийг 2020 оны тавдугаар сарын 09-ний 23:00 цагаас тавдугаар сарын 11-ний 06:00 цагийн хооронд хааж, дулааны шугам угсралтын ажил хийж гүйцэтгэж байна.

Зам хаасантай холбоотойгоор хэдийгээр амралтын өдөр ч гэсэн замын ачаалал их байна. Яг одоо Энхтайваны өргөн чөлөө буюу төв зам баруун 4 замаас баруун тийш 21-р хорооллын уулзвар хүртэл үргэлжилсэн нөхцөл байдалтай байна. Мөн Өнөрийн гудамж буюу 1-р хорооллын арын зам зүүнээс баруун тийш ачаалал ихтэй хөдөлгөөн үргэлжилж байна. Иймд хөдөлгөөнд оролцогч та бүхэн бусад замыг сонгон хөдөлгөөндөө анхаарал болгоомжтой оролцоно уу.

Эх сурвалж: ТЦА