МҮЭ-ийн холбоо МХЕГ-тай энэ онд хамтран ажиллах төлөвлөгөөгөө баталлаа

МҮЭ-ийн холбоо МХЕГ-ын 2018 оны хамтын ажиллагааны төлөвлөгөөгөө баталсан байна. Хоёр талыг төлөөлж МҮЭ-ийн холбооны Ерөнхий нарийн бичгийн дарга Г.Адъяа, МХЕГ-ын дарга Н.Цагаанхүү нар гарын үсэг зуржээ.

Энэхүү хамтын ажиллагааны төлөвлөгөөнд Хөдөлмөрийн аюулгүй байдал, эрүүл ахуйн Үндэсний хурлыг хамтран зохион байгуулах, тухайн цаг үеийн асуудлаар хамтарсан сургалт, зөвлөгөөн, хурал цуглаан болон Хөдөлмөрийн хяналт үүсч хөгжсөний 75 жилийн ойн арга хэмжээг хамтран зохион байгуулах зэрэг 11 чиглэлээр хамтран ажиллахаар тусгасан байна.