Мөнгө зээлэх, хөдлөх, үл хөдлөх хөрөнгө худалдан авахдаа бичгээр гэрээ хийхийг анхааруулав

Иргэд хоорондоо мөнгө зээлэх, хөдлөх, үл хөдлөх хөрөнгө худалдан авах, зарж борлуулахдаа амаар ярьж тохиролцох биш бичгээр гэрээ хийж, нотариатаар баталгаажуулж байхыг албаны хүн анхаарууллаа.

Ингээгүйгээс болоод хохирогч болж, шүүхэд хандан хэрэг маргаанаа шийдвэрлүүлэх нь их байдгийг Баянзүрх, Сүхбаатар, Чингэлтэй дүүргийн Иргэний хэргийн анхан шатны шүүхийн үйлчилгээний хэлтсийн дарга н.Энхтуяа өнөөдөр болсон “Иргэн таныг сонсъё” уулзалтын үеэр онцоллоо.