МҮОНРТ-ийн Үндэсний телевизийн захирлын сонгон шалгаруулалтад урьж байна

Монголын Үндэсний Олон Нийтийн Радио Телевизийн Үндэсний телевизийн захирлын сонгон шалгаруулалтад урьж байна.

Нэг. Сонгон шалгаруулалт явуулах албан тушаал:

1. МҮОНРТ-ийн I суваг “Үндэсний телевиз”-ийн захирал

Хоёр. Бүрдүүлэх материал:

• Дэлгэрэнгүй анкет /төрийн албан хаагчийн анкетийн загвараар/
• Хоёр хувь цээж зураг /4х3/
• Их, дээд сургууль төгссөн диплом болон эрдмийн цол, зэргийн үнэмлэхийн хуулбар
• Гадаад хэлний мэдлэгийн түвшинг нотлох үнэмлэх, гэрчилгээ
• Иргэний үнэмлэхийн хуулбар
• Өмнө ажиллаж байсан байгууллага болон хамт олны төлөөлөгч 2-оос доошгүй хүний тодорхойлолт
• Сонгон шалгаруулалтад оролцох тухай хүсэлт, өөрийн мэдлэг ур чадвараа илэрхийлсэн өргөдөл
• Тухайн албан тушаал дээр ажиллах үйл ажиллагааны мөрийн хөтөлбөр
• Оролцогчид хуулбар материалыг нотариатаар баталгаажуулсан байх ба шаардлагатай гэж үзвэл эх хувийг гаргуулж болно.

Гурав. Тавигдах шаардлага:

• Радио, телевизийн салбарт 10-аас доошгүй жил ажилласан туршлагатай, удирдах албан тушаалд 5-аас доошгүй жил ажилласан байх
• Магистр ба түүнээс дээш зэрэгтэй, сэтгүүл зүй, эрх зүйн чиглэлийн мэргэжилтэй
• Улс төрийн намын гишүүн бус байх
• Олон нийтийн радио телевизийн тухай хуулийн үзэл санааг эрхэмлэдэг байх,
• Хамт олныг удирдан зохион байгуулах, багаар ажиллах, хариуцлага хүлээх болон харилцааны өндөр ур чадвартай, стратегийн болон үйл ажиллагааны төлөвлөлт хийх, хэрэгжүүлэх чадвартай байх,
• Компьютерийн хэрэглээний программууд дээр ажилладаг байх

Сонгон шалгаруулалтад оролцох иргэд дээрх материалуудыг бүрдүүлэн битүүмжилсэн дугтуйд хийж, доорхи хаягаар 2018 оны 02 дүгээр сарын 12-ний 12:00 цагаас өмнө ирж бүртгүүлнэ үү.

Хаяг: Улаанбаатар хот, Баянгол дүүрэг, Хувьсгалчдын зам - 3,
МҮОНРТ-ийн байр, Сонгон шалгаруулах ажлын хэсэг
Утас: 11-325802