"Мөсний баяр" ирэх сарын 3-4-нд болно

Хөвсгөл далайд өвлийн аялал жуулчлалыг хөгжүүлэх зорилгоор уламжлал болгон зохион байгуулдаг "Мөсний баяр" гуравдугаар сарын 3, 4-нд болно.

2002 оноос тэмдэглэж хэлсэн мөсний баярыг Хөвсгөл аймгийн ЗДТГ, ТХГН-ын захиргаа, нутгийн иргэд, жуулчны баазууд, тур операторуудтай хамтран тогтмол зохион байгуулж ирсэн билээ.

Баярын үеэр Хөвсгөл далайн тунгалаг мөсөөр урласан “Мөсөн хотхон”-ыг сүндэрлүүлж, өвлийн аялал жуулчлалын шинэ хөтөлбөрүүдийг боловсруулан сурталчилж үйл ажиллагаа явуулсны үр дүнд гадаад, дотоодын зочид, жуулчдын сонирхлыг татдаг томоохон арга хэмжээ болон өргөжсөн байна.