Мөсөн гулгуурын талбайг өнөөдөр нээнэ

Улаанбаатар хотын Захирагчийн ажлын албанаас стандартын шаардлагад нийцсэн, хүүхэд залуучуудын чөлөөт цагаа өнгөрүүлэх, биеийн тамир спортоор хичээллэх зориулалт бүхий мөсөн гулгуурын талбайг Чингис хааны талбайд хоёр дахь жилдээ байгуулахаар болж, энэ сарын 10-наас засч эхэлсэн бөгөөд өнөөдөр нээгдэх юм байна.

Уг мөсөн гулгуурын талбайд нийслэлийн иргэд, хүүхэд залуус хоёр дахин хямд үнэ буюу нэг цагийн 1500 төгрөгөөр үйлчлүүлэх юм.

Мөсөн гулгуурын талбайг төв талбайн урд хэсэг дэх тохижилт хийгдээгүй хатуу хучилттай талбайд 50х25 метрийн харьцаатай байгуулж байгаа бөгөөд хувцас солих байр, гэрэлтүүлэг зэргийг цогцоор нь шийджээ.