Н.Батбаяр сайдыг огцруулах эсэхийг хэлэлцэнэ

Эдийн засгийн хөгжлийн сайд Н.Батбаярыг огцруулах саналыг цөөнхийн бүлгээс бариад багагүй хугацаа өнгөрч буй. Дөрвөн ч удаа хойшлогдсон түүний асуудлыг өнгөрсөн долоо хоногт Эдийн засгийн байнгын хороогоор хэлэлцээд огцруулахгүй гэдэгт санал нэгдсэн. Үүний дараа чуулганы нэгдсэн хуралдаанаар хэлэлцэх байсан боловч УИХ-ын дарга З.Энхболд хойшлуулсан юм.

Харин өнөөдөр УИХ-ын нэгдсэн чуулганы хуралдаанаар Н.Батбаяр сайдыг огцруулах эсэх асуудлыг хэлэлцэнэ. Дашрамд дурьдахад УИХ дахь МАН-ын бүлгээс улс орны эдийн засгийн хямралтай холбоотойгоор салбарын сайд нь хариуцлагагүй ажилласан хэмээн үзэж огцруулах саналыг өнгөрсөн сард өргөн барьсан юм. Бид мэдээллийн дэлгэрэнгүйг удахгүй хүргэнэ.