Наадмын үеэр хийн баллоныг зөв ашиглахыг анхаарууллаа

Хуушуур хайрч иргэдэд үйлчлэх аж ахуйн нэгжүүд хийн баллоныг зөв ашиглахгүй бол дэлбэрэх аюултай гэж Нийслэлийн мэргэжлийн хяналтын газраас анхаарууллаа.

Төв цэнгэлдэх болон Хүй долоон хутагт ажиллах бүх аж ахуйн нэгжид Нийслэлийн мэргэжлийн хяналтын газраас зөвлөмж хүргүүлэхээс гадна баяр наадмын өдрүүдэд тасралтгүй хяналт тавьж ажиллах юм байна.

Зөвлөмжид баллоныг нарны туяанаас хамгаалсан сүүдрэвч ашиглах, ажиллуулж эхэлсэн бол хөдөлгөхгүй байх зэрэг зөв ашиглалтын горимыг тусгах талаар Нийслэлийн мэргэжлийн хяналтын газрын улсын байцаагч н.Мөнхболд ярилаа.