Нахиалж байсан 350 модыг хулгайлж байгаад баригджээ

Сонгинохайрхан дүүргийн 19 дүгээр хорооны иргэн Б овогтой Л нь өнгөрөгч 15-16-нд шилжих шөнө 03 цагийн үед нийтийн эзэмшлийн талбайгаас нахиалж эхэлж байсан 350 модыг хулгайлж байгаад эргүүлийн цагдаад баригджээ.

Энэ мэт үйлдлээр нийтийн гудамж талбайд тарьсан 3000 гаруй мод хулгайд алдагдаад байгаа гэнэ.

Хэрэв нийтийн эзэмшлийн өмч хөрөнгийг хулгайлж байгаа энэ мэт үйлдэлтэй таарвал харьяа дүүргийн цагдаагийн байгууллага болон “Улаанбаатар нэгтгэл”-ийн шуурхай албаны 11-453501 мэдээлж, бидэнтэй хамтарч ажиллахыг уриалж байна гэлээ.