Нийслэл дэх төрийн байгууллагууд энэ сарын 30, 31-нд хагас ажиллана

Монгол Улсын Ерөнхийлөгчийн 2015 оны зургаадугаар сарын 3-ны өдрийн захирамжаар Монгол Улсад анхны Ардчилсан чөлөөт сонгууль болсон түүхэн үйл явдлын 25 жилийн ойн баярыг энэ сарын 29, 30-ны өдрүүдэд орон даяар тэмдэглэх гэж байна. Энэ хүрээнд нийслэлийн Засаг дарга “Ажлын цагийн хуваарийн тухай” А/624 дүгээр захирамж гаргасан. Захирамжийн дагуу нийслэлд байршин үйл ажиллагаа явуулдаг төрийн захиргааны төв болон нутгийн захиргааны байгууллага, бүх шатны төсөвт байгууллагууд долоодугаар сарын 30-нд 08:30-12:30, долоодугаар сарын 31-ний өдөр 10:00-17:30 цаг хүртэл ажиллах юм.