Нийслэлд үер, усны нийт 38 удаагийн дуудлага мэдээлэл бүртгэгдээд байна

Нийслэлд орсон аадар борооны улмаас нийслэлийн Онцгой байдлын газарт 21:00 цагийн байдлаар үер, усны нийт 38 удаагийн дуудлага мэдээлэл бүртгэгдлээ.

Нийслэлийн хэмжээнд орсон түр зуурын борооны улмаас Баянзүрх дүүргийн 21, 27, 28, 29 дүгээр хороо, “Дарь-Эх”, “Монель”, “Шинэ монель”, Цагаан даваа орчим айл, гэр, автомашин үерийн усанд автсан дуудлагыг наймдугаар сарын 05-ны өдрийн 19:48 цагаас эхлэн хүлээн авсан.

Дуудлагын дагуу Нийслэлийн Аврах анги, Баянзүрх дүүргийн Онцгой байдлын хэлтсийн Гал түймэр унтраах, аврах 63 дугаар алба хаагчид ажиллаж байна.

НИЙСЛЭЛИЙН ОНЦГОЙ БАЙДЛЫН ГАЗАР