Нийслэлийн цэцэрлэгийн цахим бүртгэлийн эхний шат хаагдлаа

Нийслэлийн цэцэрлэгийн бүртгэлийн эхний шатыг “E-Mongolia” цахим системээр зохион байгуулж, өнөөдрийн 17:00 цагт хаагдлаа. Нийт 111,517 хүүхэд бүртгэлд хамрагдаад байна. Эдгээр хүүхдийн цэцэрлэгийн хуваарилалт маргааш, нөгөөдөр хийгдэж, эцэг эх, асран хамгаалагчдад мэдээлэл хүргэнэ.

Энэ удаагийн бүртгэлд хамрагдаж чадаагүй эцэг эх, асран хамгаалагчид 2 болон 3 дахь шатны цэцэрлэгийн бүртгэлд хамрагдах боломжтой гэж Боловсрол, шинжлэх ухааны яамнаас мэдээллээ.