Нийслэлийн удирдлагууд элэгний вирус устгадаг эм оруулж ирэхийг дэмжинэ

Манай улс элэгний өвчлөлөөрөө дэлхийд тэргүүлж байна. Тодруулбал, элэгний вирусээр өвчилсөн хүмүүсийн дундаж нас баралт дэлхийн 100 мянган хүн тутамд ес байдаг бол манай улсад үүнээс найм дахин их хүн нас бардаг. Иймээс сүүлийн үед дэлхийн анагаах ухааны дэвшилтэт, эм эмчилгээний аргыг нэвтрүүлэх тухай холбогдох албаныхан болон төрийн бус байгууллагууд ярьж эхэлсэн. Тэгвэл өнөөдөр нийслэлийн Засаг дарга Э.Бат-Үүл элэгний вирус устгах эм оруулж ирэхээр төлөвлөсөн “Оном” сангийн үйл ажиллагааг дэмжинэ гэдгээ илэрхийллээ.