“Ногоон барилга”-ын талаар ярилцлаа

Энэ долоо хоногт Монголын барилгын материал үйлдвэрлэгчдийн холбооны урилгаар хүрэлцэн ирсэн БНСУ-ын Барилгын технологийн хүрээлэнгийн төлөөлөгчдийг Барилга хот байгуулалтын яамны удирдлагууд хүлээн авч уулзлаа.

Солонгос улс ногоон барилгыг хөгжүүлэхэд онцгой анхаарч байгаа улсуудын нэг юм. Сүүлийн жилүүдэд баригдаж буй бүх барилгадаа эрчим хүчний хэмнэлттэй, дулааны алдагдалгүй, амьдрахад таатай орчин бүрдүүлсэн “ногоон барилга”-ын шаардлага тавьж байна.

Манай улсад ч бас “ногоон барилга”-ын талаар мэдээлэл өгөх, тодорхой төсөл хэрэгжүүлэх боломж, гарцын талаар ярилцахаар ирсэн ажээ.

БНСУ-ын Барилгын технологийн хүрээлэнгийн төлөөлөгчид БХБЯ, БОНХЯ-ны удирдлагуудтай байгаль орчинд ээлтэй “ногоон барилга”-ын талаар ярилцсан юм.