Нүдний болор суулгах мэс заслыг 11 хүнд үнэ төлбөргүй хийнэ

Дорноговь аймаг, БНХАУ-ын ӨМӨЗО-ны Эрээн хот хоорондын хамтын ажиллагааны хүрээнд болор цайх эмгэгтэй 11 иргэнд нүдний болор суулгах мэс заслыг БНХАУ-ын ӨМӨЗО-ны Хөх хотын эмч нар Эрээн хотод хийхээр болсон байна.

Дорноговь gймгийн Засаг дарга Т.Энхтүвшин мэс засалд орох иргэдийг хүлээн авч, хөрш оронд хийлгэх нүдний мэс засалд нь амжилт хүсэж, шаардагдах зардлыг шийдвэрлэж өгчээ.

2017 онд Франц улсын эмч нар Дорноговь аймгийн нэгдсэн эмнэлэгт 20 иргэнд нүдний болор суулгах мэс заслыг хийсэн байна. Ингэснээр тус аймгийн 31 хүн нүдний болор суулгах мэс засалд үнэ төлбөргүй хамрагдаж байгаа юм.