Нүүрсийг хуурай аргаар баяжуулах төсөл хэрэгжинэ

“Эрдэнэс-Тавантолгой” компани нүүрсийг хуурай аргаар баяжуулах төсөлд хамтран ажиллаж түншүүдээ сонголоо. Тус түншлэлд Японы “Japan Coal Energy Center”, “Nagata Engineering” компаниуд багтсан бөгөөд ирэх оны эхээр ажлаа эхлүүлэхээр болсон байна.

Уг төслийн ажлын төлөвлөгөөнд эхний туршилт амжилттай болсон тохиолдолд баяжуулах үйлдвэрийн төслийг мөн ондоо багтаан хэрэгжүүлж эхлэхээр тусгагдсан аж. Ийнхүү нүүрсийг уламжлалт арга буюу усаар угааж баяжуулах үйлдвэр барих төсөл нь усны асуудлаас үүдэн удаашрах төлөвтэй байгаа энэ цаг үед “Эрдэнэс-Тавантолгой” компани шинэ гарц хайж эхэллээ.