Ой, хээрийн түймрээс урьдчилан сэргийлье

Цаг уурын байгууллагын ирүүлсэн мэдээгээр өнөөдөр Өвөрхангай, Дундговийн нутаг, Баянхонгор, Булганы өмнөд, Архангайн зүүн, Төв аймаг болон Өмнөговийн баруун хэсгээр салхи секундэд 18-20 метр, зарим үед секундэд 24 метрийг давж ширүүсэх тул болзошгүй ой, хээрийн түймрээс урьдчилан сэргийлэхийг анхааруулж байна.

Иймд:

-Ногоон бүсэд зорчихдоо ил задгай гал түлэхгүй байх, асаасан гал, шүдэнз, тамхины галыг бүрэн унтраах,

-Халуун үнс нурамыг ил задгай асгахгүй байх,

-Гэр сууц, хашаа хорооны гадуур түймрээс хамгаалах зурвас татах, гал унтраах багаж хэрэгслийг бэлтгэх зэргээр ой, хээрийн түймрээс урьдчилан сэргийлэх арга хэмжээ авахыг онцгойлон анхааруулж байна.

Эх сурвалж: ОБЕГ-ын Урьдчилан сэргийлэх газар