ОХУ-ын Иркутск хотын багшийн их сургуулийн оюутнууд Сайншанд сумын сургуульд дадлага хийлээ

ОХУ-ын Иркутск хотын Багшийн их сургуулийн зургаан оюутан 11 дүгээр сарын 21-30-ны өдрүүдэд Дорноговь аймгийн Сайншанд сумын ерөнхий боловсролын 1, 2, 3, 5-р сургуульд багшлах дадлага хийсэн байна. Дадлагын хүрээнд орос хэл судалж байгаа 7-9 дүгээр ангиудад хичээл зааж, сурагчдын дунд олон сонирхолтой арга хэмжээнүүдийг зохион байгуулжээ.

Сурагчдын орос хэл судлах хүсэл сонирхлыг өрнүүлэх зорилгоор сурагч, багш нартай ярилцлага өрнүүлж, “Багштайгаа хамт”, “Алтан хонх”, ”Орос орныг хэн сайн мэдэх вэ” гар зургийн болон илтгэлийн уралдаан, орос дууны баярыг зохион байгуулсан байна.