Олон улсын кросс уралдаанд Өмнөговийн тамирчид тэргүүлжээ

Өмнөговь аймгийн авто машин мотоциклийн холбооны үйл ажиллагааг илүү сайжруулан улмаар тамирчдаа олон улсын уралдаан тэмцээнд оролцоход аймгийн удирдлагууд дэмжин ажиллаж байна.

9 дүгээр сарын 29-ний өдрөөс 10 дугаар сарын 5-ны хооронд ӨМӨЗО-ны Алшаа аймагт зохион байгуулагдсан олон улсын "CHINA DAKAR RALLY" уралдааны КРОСС ангилалд Өмнөговь аймгийн тамирчид тэргүүлжээ. Тодруулбал Г.Намдагдорж тэргүүн байр, Г.Ариунтуяа дэд тэргүүн байр, М.Мөнхдэлгэр гуравдугаар байрт тус тус шалгарчээ.

Тамирчиддаа Өмнөговь аймгийн ИТХ, ЗДТГ-ын хамт олон болон нийт Өмнөговьчуудынхаа нэрийн өмнөөс баяр хүргэж, спортын өндөр амжилтыг хүсье.