Олсоор буух гэж оролдох үедээ үйлчилгээний төвийн дээвэр дээр унаж бэртжээ

Сонгинохайрхан дүүргийн 14 дүгээр хороонд 9 давхар угсармал байрны 8 давхраас хүн унаж гэмтсэн тухай дуудлага өчигдөр 14:00 цагийн орчимд холбогдох байгууллагад иржээ.

Нийслэлийн Аврах ангийн таван алба хаагч, нэг авто машинтай ажиллаж тус хорооны харьяат 37 настай иргэн Ү-г эсэн мэнд буулгасан байна. Иргэн Ү олсоор буух гэж оролдох үедээ үйлчилгээний төвийн дээвэр дээр унаж бэртсэн байжээ.