Оргосон хоригдлуудын нэгийг баривчилжээ

Цагдан хорих 461-р ангид хоригдож байсан сэжигтэн Э.Вантөмөр, Б.Амарбаясгалан нар энэ сарын 4-нд хорих газраас оргосон билээ. Тэднийг орон даяар эрэн хайгаад байсан юм. Харин өчигдөр орой 18.00 цагийн үед Б.Амарбаясгаланг “Бөмбөгөр” худалдааны төв орчимд явж байхад нь цагдаагийнхан баривчилжээ.

Б.Амарбаясгаланг хулгайн хэрэгт сэжигтнээр татсан бөгөөд эрүүгийн хэрэг үүсгэн шалгаж байсан юм. Шалгагдаж байх явцдаа тэрбээр оргон зайлсан учраас түүний хэрэгт “Мөрдөн байцаалтын явцад оргон зайлсан” гэх зүйл анги нэмэгдэх ажээ. Харин Э.Вантөмөрийг эрэн сурвалжлах ажиллагаа үргэлжилж байна.