Орхон аймагт энэ хичээлийн жилд 2 цэцэрлэг шинээр ашиглалтад орлоо

Орхон аймагт 2018-2019 оны хичээлийн жилд төрийн өмчийн 29 цэцэрлэг, хувийн хэвшлийн 10 цэцэрлэгт 9600 гаруй хамрагдаж, сургуулийн өмнөх боловсролд хамрагдалт өмнөх онд 91,1 хувь байсан бол 94 хувьд хүрсэн. Энэ үзүүлэлт нь СӨБ-д хамрагдах улсын дунджаас дээгүүрт бичигдэж байгаа юм. Түүнчлэн төрийн өмчийн 17, хувийн хэвшлийн 7 сургуульд 20 мянга орчим хүүхэд суралцана. Дээрх сурагчдын 2186 нь нэгдүгээр ангид элсэгчид байна .

Хичээлийн шинэ жилийн нээлтэд орон нутгийн удирдлагууд алслагдсан багуудын сургууль цэцэрлэгийн хүүхэд багачууд, багш сурган хүмүүжүүлэгчдэд баяр хүргэсэн. Алслагдсан багийн сургууль цэцэрлэгийн хамт олноос энэ хичээлийн жилийн онцлог болоод хийж хэрэгжүүлсэн ажлуудаа ч мөн танилцуулсан юм.

Харин ЕБС-ийн тухайд төр, хувийн хэвшлийн 24 сургуульд 20.0 орчим хүүхэд суралцана. Аймгийн хэмжээнд анги дүүргэлт 30.5, ээлжийн коэффицент 1,4 байна.

Дашрамд дурдахад энэ хичээлийн жилд орон нутгийн төсвийн хөрөнгөөр баригдсан орчин үеийн стандартад нийцсэн 26-р цэцэрлэг болон улсын төсвийн хөрөнгөөр баригдаж буй Баянбулаг багийн цэцэрлэг ашиглалтад орох юм. Мөн “Эрдэнэт” цогцолбор сургуулийн 928 хүүхдийн багтаамжтай өргөтгөлийн барилгыг эхлүүлж ирэх онд ашиглалтад өгөхөөр төлөвлөж байна.