Орон нутагтаа оношлуулж, эмчлүүлэх бүрэн боломжтой боллоо

Өмнөговь аймгийн Бүсийн оношилгоо эмчилгээний төвд 128 зүсэлттэй компьютерийн Томограф, зүрхний суурин болон зөөврийн өнгөт ЭХО, дотор эмэгтэйчүүдийн 3/4D өнгөт ЭХО, тархи зүрхний цахилгаан бичлэгийн аппарат, тархины өнгөт Допплерграфи, Диализын аппарат зэрэг дэвшилтэт техник тоног төхөөрөмжөөр хангалаа.

Мөн аймгийн эрүүл мэндийн салбарт ХБНГУ-д захиалгаар үйлдвэрлүүлсэн яаралтай түргэн тусламжийн бүрэн тоноглогдсон 9 автомашиныг нийлүүлсэн байна. Үүний үр дүнд аймгийн БОЭТ-н тоног төхөөрөмжийн стандарт хангалтыг 88 хувьд, бүх эмнэлгийн дундаж стандарт хангалт 87 хувьд хүргэж, Улаанбаатар хотын клиникийн зөвлөх эмнэлгүүдэд очиж эмчлүүлэхээр явах иргэдийн тоо 2012 оноос 43.1 хувиар буурчээ.