Орон нутгийн замд анхаарал болгоомжтой зорчихыг анхааруулж байна

Урд шөнө Завханы Их-Уул сумаас Архангай аймгийн Ихтамир сум хүртэл цас орсон байна. Тиймээс тус чиглэлийг зорих гэж буй жолооч нарт Автотээврийн үндэсний төвөөс анхааруулга хүргэж байна.

Мөн Дундговь, Баянхонгор, Булган болон Хэнтий аймгийн Жаргалтхаан сумаас Хэнтий аймаг хүртэл, Төв аймгийн сумуудаар цас орж, явган шуургатай байна.

Жолооч та бүхэн машиныхаа бүрэн бүтэн байдлыг сайтар шалгаж, замын хөдөлгөөнд анхаарал болгоомжтой оролцоно уу.