Орон нутгийн замд шаварт суусан тээврийн хэрэгслүүдийг татан гаргалаа

Өчигдөр Дархан-Уул аймгийн Орхон сумын Энхтал багийн нутаг “Цагаан нуур” хэмээх газар зорчигч тээврийн автобус шаварт суусныг Онцгой байдлын газрын Гал унтраах, аврах 22 дугаар ангийн таван албан хаагч шавраас татан гаргасан байна.

Онцгой албаныхан орон нутгийн замд шаварт суусан 495 зорчигч бүхий 65 тээврийн хэрэгслийг шавраас гаргажээ.

Мөн Сэлэнгэ аймгийн Баянгол сумын "Баян" багийн нутагт зургаан зочигчтой “Истана” загварын автомашин шаварт суусан байсныг татан гаргасан гэж ОБЕГ-ын Гамшгийн шуурхай удирдлагын газраас мэдээллээ.