“Орос танк” “инстаграм”-д сая дагагчтай боллоо

“Рио-2016” олимпын наадмын болон дэлхийн дөрвөн удаагийн аварга “Орос танк” хочит Абдулрашид Садулаев “инстаграм”-д нэг сая дагагчтай чөлөөтийн анхны бөх болжээ. Түүнчлэн Дэлхийн бөхийн нэгдсэн холбоо (UWW)-ны албан ёсны хуудас цахим сүлжээний хэрэглэгчдэд хандан Абдулрашидыг дагахыг уриалсан.

Энэ уриалгыг хамгийн хүчтэй дэмжсэн дагестанчууд “Орос танк”-ыг “инстаграм”-д нэг сая дагагчтай болоход чухал нөлөө үзүүлжээ. Садулаеваас өмнө чөлөөт бөхийн тамирчдаас хамгийн олон дагагчтай бөх нь “Лондон-2012” олимпын наадмын болон дэлхийн дөрвөн удаагийн аварга Жордан Барроуз байсан. Түүнийг 609 мянган хүн дагадаг.

ИНСТАГРАМД ХАМГИЙН ОЛОН ДАГАГЧТАЙ 10 БӨХ

1. Абдулрашид Садулаев (ОХУ) - @sadulaev_abdulrashid, нэг сая

2. Жордан Барроуз (АНУ) - @alliseeisgold, 609 мянга

3. Хассан Яздани (Иран) - @hasan_yazdani73, 459 мянга

4. Кайл Снайдер (АНУ) - @snyderman45, 280 мянга

5. Мурад Нухкадиев (ОХУ) - @murad_nukhkadiev, 259 мянга

6. Адам Батыров (Бахрейн) - @batirov_adam, 251 мянга

7. Дэвид Тейлор (АНУ) - @magicman_psu, 233 мянга

8. Кайл Дейк (АНУ) - @kyledake444, 197 мянга

9. Франк Чамизо (Итали) - @frankchamizo92, 166 мянга

10. Бажранг Пуния (Энэтхэг) - @bajrangpunia60, 141 мянга