Оюутан залуус эрүүл мэндийн даатгалын талаар мэдлэгтэй боллоо

“Эрүүл оюутан-Эерэг хандлага” оюутны эрүүл мэндийг дэмжих аяны хүрээнд Баянзүрх дүүргийн Отгонтэнгэр их сургууль, Олон улсын Улаанбаатар их сургуулийн 300 гаруй оюутан залууст Эрүүл мэндийн даатгалын ерөнхий газрын Олон нийттэй харилцах хэлтсээс эрүүл мэндийн даатгалын сангаас зардлын төлбөрийг хариуцах тусламж, үйлчилгээний талаар мэдээлэл хүргэлээ.

Мөн ЭМД-ын шимтгэлийг хэдэн нас хүртэл төрөөс хариуцан төлдөг , энэ жил хэдэн төгрөг төлж байгаа талаар дэлгэрэнгүй мэдээлэл хүргэсэн.Түүнчлэн Засгийн газрын үйл ажиллагааны хөтөлбөр Урьдчилан сэргийлэх эрт илрүүлэх үзлэг оношилгоо шинжилгээ болон “Элэг бүтэн Монгол” үндэсний хөтөлбөрт хэрхэн хамрагдаж өвчнийг эрт үед нь илрүүлэн эмчлэх боломжтой талаар тайлбарлаж өглөө.