Оюутнууд тэтгэлгээ хуучин журмын дагуу авна

Монгол улсын ерөнхийлөгчийн санаачлагаар дотоодын их, дээд сургуульд суралцагч оюутнуудад “Хүний хөгжил сан”-гаас оюутны тэтгэлэг хэлбэрээр сар бүр 70200 төгрөг олгож эхэлсэн.

Уг тэтгэлгийг ирэх есдүгээр сарын 1-нээс шинэчилсэн журмаар олгохоор болсон.

Тэгвэл энэ жилийн тухайд, зургаадугаар сар хүртэл хуучин журмын дагуу олгоно. Тодруулбал, дээд боловсролын санхүүжилтийн баталгааны тухай хуульд орсон өөрчлөлтийн дагуу оюутнууд энэ улирлын тэтгэлгээ ирэх дөрөвдүгээр сард авах юм. Харин оюутнуудын сүүлийн гурван сарын тэтгэлгийг зургаадугаар сард олгох аж.