Сансраас дэлхийн зургийг шууд хүлээж авч эхэллээ

Өмнө нь зөвхөн сансраас харах боломжтой байсан дэлхийн төрхийг өнөөдөр энгийн хүмүүс ч шууд үзэж сонирхох боломжтой болсон байна.

АНУ-ын Агаар, сансрын уудмыг судлах үндэсний төв “NASA”-аас сансрын тойрог замд байрласан хиймэл дагуулд суурилуулсан өндөр нарийвчлал бүхий дөрвөн камерын бичлэгийг олон нийтэд шууд дамжуулж эхэлжээ. Камеруудыг дэлхийгээс шууд удирдан хөдөлгөх боломжгүй ч дөрвөн өөр зүгт чиглэсэн камеруудын тусламжтай олон зүйлийг зэрэг ажиглах боломжтой аж. Уг ажил нь дурс бичлэгийн камер сансрын нөхцөлд хир удаан тэсвэрлэх боломжтой эсэхийг турших зорилгоор хийгдэж байгаа туршилтын ажил 2015 оны 10 дугаар сар хүртэл үргэлжлэх юм.