Шар усны үерээс сэрэмжлүүлж байна

Шар усны үерийн улмаас Сэлэнгэ аймгийн Дулаанхааны дөрвөн замаас Ерөө-Хүдэр сумын чиглэлийн автозамын 32 км /Ерөө сум/, 64 км-т /Хандгайтын үтрэмийн орчимд 110 м-ийн урттай/ их хэмжээний эвдрэл үүссэн байна.

Тиймээс Сэлэнгэ аймаг дахь Замын цагдаагийн тасгаас хөдөлгөөнд оролцогч жолооч нарт үзэгдэх орчин хязгаарлагдмал замын тойруу, харанхуй үед явахдаа хурдаа тохируулан болзошгүй аюул, ослоос сэргийлж сонор сэрэмжтэй явахыг анхааруулж байна.