Шатахуун импортлогчид үнэ нэмсэн шалтгаанаа тайлбарлана

Шатахуун импортлогч зарим аж ахуйн нэгжүүдэд ШӨХТГ-аас шаардага хүргүүлсэн байна.

Өнгөрсөн долоо хоногоос “Магнай трейд” болон “Жаст ойл” компаниуд АИ-92 авто бензиний үнийг 50 төгрөгөөр нэмэгдүүлсэн билээ.

Энэ асуудалтай холбогдуулан ШӨХТГ-аас ажлын тав хоногт багтаан албан ёсны тайлбар өгөхийг хүссэн шаардах бичиг хүргүүлжээ.

ШӨХТГ-аас тодруулга авахад, “Шаардах бичгийн хариу одоогоор ирээгүй байна. Ирэх нэг дэх өдөр тайлбар ирчих байх” гэлээ. Өрсөлдөнөөний тухай хуулиар монополь аж ахуйн нэгжүүд бүтээгдэхүүнийхээ үнийг нэмэх тохиолдолд ШӨХТГ-т мэдэгддэг. Дээрх компани нь үнээ нэмэхдээ ШӨХТГ-т мэдэгдээгүй гэж тус газрын дарга О.Магнай онцолсон байна.