Шилэн мяндсаар хүчитгэсэн асфальт бетон хучилтын талбайд туршилт хийнэ

Зам, тээврийн хөгжлийн төв нь авто замын салбарт шинэ техник, технологийг нэвтрүүлэх зорилгоор судалгааны ажлуудыг хэрэгжүүлж байна. БНСУ-ын Барилгын технологийн хүрээлэн KICT, “ЭСТО” ХХК-тай хамтран 2012 оноос бүлээн асфальт технологийг Монгол Улсад нэвтрүүлэх судалгааны ажлыг амжилттай гүйцэтгэж ирсэн.

Тус төвөөс БНСУ-ын Барилгын технологийн хүрээлэн KICT, “ЭСТО”ХХК, “ЭМ АЙ ЭЛ” ХХК, “ЯЛГУУСАН” ХХК, “ЭРДЭНЭ ЗАМ” ХХК-тай хамтран Улаанбаатар-Мандалговь чиглэлийн авто замын "Өндөрдов" жуулчны баазаас Дундговийн замын эхлэл 6 км хатуу хучилттай авто замын хэсэгт шилэн мяндсаар хүчитгэсэн асфальт бетон 100м туршилтын зам барих үйл ажиллагаа маргааш 15:00-17:00 цагт хийгдэх тул Авто замын салбарын төрийн болон төрийн бус байгууллага, холбоод, инженер техникийн ажилтнуудыг талбайн туршилтын ажилтай танилцахыг урьж байна.

Эх сурвалж: Зам, тээврийн хөгжлийн төв ТӨҮГ