Шударга ёс эвсэл зарим яам тамгын газруудын ажилтай танилцана

Өнөөдөр УИХ дахь Ардчилсан нам, Монгол ардын нам, Шударга ёс эвслийн бүлгүүд хуралдаж, энэ долоо хоногт хэлэлцэх асуудлуудынхаа талаар хэлэлцлээ.

Шударга ёс Эвлийн бүлгийн хувьд хуралдаанаараа энэ хаврын чуулганаар амжиж батлах зарим хууль тогтоолын төсөл, чуулганы завсарлагаар хийх хяналт шалгалтын асуудалд анхаарлаа хандуулсан юм. Уг хуралдаанаар хуульчийн эрх зүйн байдлын тухай хууль, ойн тухай хууль, төрөөс эрдэс баялагийн салбарт баритлах бодлого зэрэг хуулийн төслүүдийг хэлэлцсэн байна.

Мөн чуулганы завсарлагаанаар төрийн үйлчилгээ иргэдэд хэрхэн хүрч байгаа тал дээр хяналт тавихын тулд зарим яам тамгын газруудын ажилтай танилцах,чиглэл өгөх асуудал дээр бүлгийн гишүүд санал нэгдсэн байна.