Шүлхийн вакциныг төсвийн хөрөнгөөр худалдаж авах шаардлагатай байна

Мал, амьтны гоц халдварт шүлхий өвчний вакциныг төсвийн хөрөнгөөр худалдаж авах шаардлагатайг Мал эмнэлэг, үржлийн газраас мэдээллээ.
Тодруулбал, өнгөрсөн онд ОХУ-аас малын эрүүлжүүлэх хөтөлбөрийн хоёрдугаар ээлжийн хүрээнд 13.9 сая тун вакцин оруулж ирэхээр Засгийн газар хооронд хэлэлцээр байгуулсан. Гэтэл өнөөдрийг хүртэл тодорхой шийдвэр гараагүй байгаа юм. Тиймээс хонин толгойд шилжүүлснээр 10 сая малд хийх шүлхийн вакциныг манайх худалдаж авах хэрэгтэй гэж мэргэжилтнүүд хэлж байна. Харин төсөвт шүлхийн вакцины мөнгө суусан эсэхийг Мал эмнэлэг, үржлийн газрын дарга, малын ерөнхий эмч М.Галбадрахаас тодрууллаа.