ШУУРХАЙ МЭДЭЭ: Улаанбаатар хотоос гарах бүх чиглэлийн замыг түр хугацаагаар хаалаа

Цаг агаарын нөхцөл байдлаас шалтгаалан их хэмжээний цас орж, цасан шуурга шуурч автотээврийн хэрэгсэл аюулгүй зорчих боломжгүй нөхцөл байдал үүсээд байна.

Үүнтэй холбогдуулан иргэдийн амь нас, эрүүл мэнд, эд хөрөнгийг болзошгүй эрсэдлээс урьдчилан сэргийлж, Зам, тээврийн хөгжлийн сайдын 24 дүгээр тушаалаар Улаанбаатар хотоос гарах бүх чиглэлд автотээврийн хэрэгслийн хөдөлгөөнийг 2018 оны 02 дугаар сарын 08-ны 19.00 цагаас 09-ний өдрийн 07.00 цаг хүртэл түр хугацаагаар хязгаарлалаа.

Иймд иргэд та бүхнийг хөдөө, орон нутгийг зорихгүй байхыг зөвлөж байна.