Согтолтыг хэмждэг ухаалаг төхөөрөмж бүтээжээ

Сан-Францискод байрладаг "BACtrack" нэртэй стартап компани согтолтыг хэмждэг төхөөрөмж бүтээжээ.

Ухаалаг гар утастай "Bluetooth" технологиор холбогдож согтолтын түвшинг мэдээлдэг энэ төхөөрөмж түлхүүрийн оосорны хэмжээтэй аж.

Үнийн хувьд 49 доллар болох уг төхөөрөмжийг хүмүүс хувьдаа хэрэглэснээр өөрийгөө хянах, элдэв эрсдлээс сэргийлэх боломж нээгдэж байгаа юм.

Анх цагдаа нарт зориулсан төхөөрөмж бүтээж байсан "BACtrack" одооноос олон нийтэд зориулсан хувилбарыг ийнхүү хямд үнэтэйгээр гаргаж байгаа гэнэ.

Хэр согтсоноо заавал цагдаагаар хэмжүүлэх биш өөрсдөө хэмжиж чаддаг болж байгаа нь дэвшил юм.