Согтуу жолоочтой тооцох хариуцлагыг чангатгажээ

Ирэх есдүгээр сарын 1-нээс согтуугаар тээврийн хэрэгсэл жолоодвол жолоо барих эрхийг хоёр жилээр хасч, хөдөлмөрийн хөлсний доод хэмжээг хоёр дахин нэмэгдүүлсэнтэй тэнцэх хэмжээний мөнгөн торгууль ногдуулна.

Мөн Замын хөдөлгөөний аюулгүй байдлын тухай шинэ хуульд заасны дагуу дахин согтуугаар тээврийн хэрэгсэл жолоодон замын хөдөлгөөнд оролцсон бол хүндрүүлэх нөхцөлтэйгээр хэрэг үүсгэн шалгах болно гэж Замын цагдаагийн газрын Урьдчилан сэргийлэх хэлтсийн ахлах мэргэжилтэн н.Энхбат хэллээ.