Сонины онцлох мэдээ

Уншигч та бүхэнд өнөөдөр буюу арваннэгдүгээр сарын 07-ны өдрийн өдөр тутмын сонинуудын онцлох мэдээ материалыг тоймлон хүргэе.

“Өдрийн сонин”-ы өнөөдрийн дугаарт "Өвөлжилт хүндхэн эхэлж байна гэв", "Г.Батбаатар: Нийслэлийн хуульд Ерөнхийлөгч хориг тавих өндөр магадлалтай", "Б.Цэнгэллхам: Монгол Вьетнамын харилцааг эдийн засгийн бодит агуулгаар баяжуулан хөгжүүлэх боломжтойг илэрхийлсэн айлчлал боллоо", "Доктор Ц.Батсүх: Манайд бараа бүтээгдэхүүний үнэ 1991 онтой харьцуулахад 600 дахин өссөн" зэрэг мэдээллийг онцлож байна.

“Өнөөдөр” сонины энэ өдрийн дугаарт "Улсын парламентын чуулган уу, нэг намын хурал уу", "ХСҮТ-ийнхөн цай уух завгүй ажиллаж үйлчлүүлэгчид нь дараалалд бухимдаж байна", "Цасан шуурганаар Төв аймагт 35-47 насны зургаан эмэгтэй, нэг хүүхэд амиа алджээ" зэрэг мэдээллийг онцлож байна.

“Зууны мэдээ” сонинд "Анхны 400 автобусны "Улс төр"-ийн түүх", "Г.Батжаргал: Жоргүй эмийг шаардлага хангасан газарт худалдаалах эрх зүйн орчин хэрэгтэй", "Газар тариалангийн салбар дахь пестицидийн хяналтгүй хэрэглээ", "О.Оюунчимэг: Монгол орны 60 орчим хувьд цасан бүрхүүл тогтсон байна" зэрэг мэдээллийг онцолжээ.

“Өглөөний сонин”-ы энэ өдөрт "Г.Амарсанаа: Сурагчдын үдийн хоолонд сүү, цагаан идээ хэрэглүүлэхэд маш сайн үр дүн гарсан", "Улаанбаатарт уран барилгын өв хэрэгтэй", "МАН-аас мандатгүй үлдэх гишүүдийн нэрс эхнээсээ тодорчээ" зэрэг мэдээллийг онцолжээ.