Сонины онцлох мэдээний тойм

Уншигч та бүхэнд өнөөдөр буюу гуравдугаар сарын25-ны өдөр тутмын сонинуудын онцлох мэдээллийн тоймыг хүргэж байна.

“Өдрийн сонин”-ы өнөөдрийн дугаарт “Б.Нацагдорж: Өмнө нь Тяньжинээс өдөрт 2-3 галт тэрэг гардаг байсан бол одоо нэг л гарч байна”, “Р.Даваадорж: Хөгжлийн банкны асуудал улс орны эдийн засгийн аюулгүй байдалд нөлөөлөхүйц ноцтой асуудал болчихоод байгааг хэн ч ярихгүй байна”, “Кофе асгасан гэх Б.Ариунзаяад цагдаа эрүү шүүлт тулгасан уу?” зэрэг ярилцлага, нийтлэл багтжээ.

“Өнөөдөр” сонины өнөөдрийн дугаараас “Дүүжин тээврийн төсөл гараандаа “дуншсаар” замхрав”, “Цогц үзлэгт хамруулснаар хүүхдийн хөгжлийн хоцрогдлыг эрт илрүүлэх боломжтой”, “Бодлогын хүүг 2.5 хувиар өсгөн, ес болгожээ” зэрэг ярилцлага, нийтлэлийг онцолж байна.

“Зууны мэдээ” сонины өнөөдрийн дугаарт “Л.Оюун-Эрдэнэ: Хөгжлийн банкнаас авсан зээлээ төлөөгүй гишүүдийг нэр дэвшүүлэхгүй”, “Хотын стандарт ирэх аравдугаар сарын 1-нээс хэрэгжиж эхэлнэ”, “"Шинэ сэргэлт"-ийн өмнөх Баян-Өлгий ба Наурызаар гарсан шийдвэрүүд” зэрэг ярилцлага, нийтлэл, мэдээлэл нийтэлжээ.