Сонины онцлох мэдээний тойм

Уншигч та бүхэнд өнөөдөр буюу тавдугаар сарын 10-ны өдөр тутмын сонинуудын онцлох мэдээллийн тоймыг хүргэж байна.

“Өдрийн сонин”-ы өнөөдрийн дугаарт “Б.Агар-Эрдэнэ: Нэг зөрчилд давхардуулж хэд хэдэн шийтгэл оногдуулж байгаа нь завхрал”, “Ч.Улаан: Өнөөдрийн хамгийн том сургамж нь Монгол Улс өөрийгөө бие даан авч явах чадавхтай болох юм”, “Уул уурхайд улсын эрх ашиг дээр үү, сумын эрх ашиг чухал уу?” зэрэг ярилцлага, нийтлэл багтжээ.

“Өнөөдөр” сонины өнөөдрийн дугаараас “Эрт илрүүлэх үзлэгийг ирц бүртгэх төдий бүү болго”, “УХШИГГ-ын дарга асныг 30 саяар торгохоор болжээ” зэрэг ярилцлага, нийтлэлийг онцолж байна.

“Зууны мэдээ” сонины өнөөдрийн дугаарт “Катрин Э.Ивкоф: Канад, Монгол хоёр ардчилсан, хүний эрхийг дээдэлдэг үнэт зүйлээрээ ижил орон”, “Тоон гарын үсгийг гар утаснаас авах боломжтой”, “Шилдэг татвар төлөгчийг дөрвөн ангилалд тодруулав” зэрэг ярилцлага, нийтлэл, мэдээлэл нийтэлжээ.