Сүхбаатар дүүргийн хэмжээнд хаврын ариутгал, халдваргүйтгэлийн ажил эхэллээ

Сүхбаатар дүүргийн Засаг даргын Тамгын газраас иргэдийнхээ эрүүл мэндийг хамгаалах, хөрсний бохирдол, элдэв төрлийн өвчлөлөөс урьдчилан сэргийлэх зорилгоор ариутгал, халдваргүйтгэлийн ажлыг өчигдрөөс эхлүүллээ.

Энэ удаа гэр хорооллын айл өрхийн нүхэн жорлон, нийтийн эзэмшлийн бохирдсон хөрстэй гудамж, талбай, хүүхдийн тоглоомын талбай, үерийн далан, гуу жалга, шар усны үерээс айл өрхийн жорлон, бохирын цооног хальж урссан нийтийн эзэмшлийн талбай зэргийг ариутган, халдваргүйжүүлэх юм.

Цаашид ариутгал, халдваргүйтгэлийн ажил хороодод батлагдсан хуваарийн дагуу үргэлжилнэ гэж Сүхбаатар дүүргийн Засаг даргын Тамгын газраас мэдээллээ.