Сум, галт хэрэгсэлтэй холбоотой ослын дуудлага иржээ

Онцгой байдлын албанд өчигдөр сум, галт хэрэгсэлтэй холбоотой ослын дуудлага бүртгэгджээ. Тодруубал, Багануур дүүргийн 8 дугаар хороо, Баянцагааны 10 дугаар гудамжны 21 тоотод оршин суух иргэн С-ын зуны амбаарын дор 2 ширхэг гранат байна гэсэн дуудлагыг ирүүлсэн байна.

Дуудлагын дагуу дүүргийн Онцгой байдлын хэлтэс болон Цагдаагийн хэлтэс, Зэвсэгт хүчний жанжин штабын Тусгай томилолтын 084 дүгээр ангийн алба хаагчид ажиллаж, байлдааны хориглолтын зориулалт бүхий гал үүсгэгчгүй хоёр ширхэг гранат байсныг илрүүлжээ.