Сураггүй алга болсон иргэнийг эрэн хайх ажиллагаа явагдаж байна

Булган аймгийн Рашаант сумын Хөгнө хан багийн “Их-Аргал” гэдэг газар /сумын төвөөс хойд зүгт 40 км-т/ Өвөрхангай аймгийн Бүрд сумын Ар жаргалант багийн харьяат иргэн Д /21 настай, эрэгтэй/ 12 дугаар сарын 10-ны өдөр мотоциклтой адуу тууж яваад сураггүй болсон тухай дуудлагыг тус аймгийн Онцгой байдлын газар хүлээн авсан байна.

Дуудлагын дагуу Рашаант сум дахь сум дундын Цагдаагийн хэлтсийн 4 алба хаагч, 1 автомашинтай, орон нутгийн 3 иргэн, 1 автомашинтайгаар 12 дугаар сарын 12-ны өдрийн 21:10 цагаас эхлэн эрэн хайх ажиллагааг явуулж байгаа аж.