Сураггүй болсон малчин эсэн мэнд гэртээ иржээ

Өчигдөр Дорноговь аймгийн Мандах суманд хүн алга болсон гэсэн дуудлага ирсэн байна. Тус сумын малчин 45 настай эрэгтэй энэ сарын 14-нд адуугаа хайхаар гэрээсээ гарчээ.

Тэрбээр айлд хоноглоод согтууруулах ундааны зүйл хэрэглэсэн үедээ мотоциклтой яваад сураггүй байна гэх дуудлагын дагуу алба хаагчид ажилласан байна. Өнөө өглөө 7 цагт алга болсон гэх 45 настай эрэгтэй өөрөө эсэн мэнд гэртээ иржээ.

Он гарсаар улсын хэмжээнд сураггүй алга болсон, төөрсөн 109 тохиолдол бүртгэгдэж 88 хүний амь насыг аварсан бол 8 хүн нас баржээ.